Талдау есеп

«МДШО бар М.Сеңгірбаев атындағы орта мектеп» МКМ бойынша 2019-2020 оқу жылындағы атқарылған әдістемелік жұмыстардың талдау есебі

«МДШО бар М.Сеңгірбаев атындағы орта мектеп» МКМ-нің  2019-2020  оқу жылындағы мектептің іс-әрекетінің негізгі мақсаты, міндеттері және  негізгі бағыттары

Тақырыбы:  АКТ мен инновациялық әдістерді пайдалана отырып, мұғалімдер мен оқушылардың шығармашылық белсенділігін және функционалдық сауаттылығын дамыту. 

Басымдықтар:

• Оқушылардың дарындылық қабілеттерін арттыру және ғылыми ізденіс жұмыстарға тарту.
• Салауатты өмір салтын қалыптастыру, оқушылардың арасындағы тәртіп бұзушылық пен құқық бұзушылықтың алдын алу жұмыстарын жан жақты жүргізу.
• Ұстаздардың үздіксіз білім алуы және кәсіби құзыреттіліктерін арттыру және қолдау көрсету. 
• Оқушыларды әлеуметтік бейімдеу, жеке ерекшеліктері мен мүмкіндіктерін есепке ала отырып, ақыл-ой, адамгершілік, этикалық, эмоциялық, танымдық қабілеттерін дамыту.
• Ата-ана және ұстаздармен серіктестік бағдарында жұмыс жасау мүмкіндіктерін арттыру.

 Нәтиже және табыс критерийлері:

Мұғалім

• Жыл бойында ұстаздардың 80% топтық жұмыста АКТ мен интербелсенді әдістерді тиімді пайдалана білу шеберлігіне үйренеді.
• Мұғалім сабақ жоспарын оқушы пікірін ескере отырып құрайды және қосымша жұмыс жоспарлап жүргізеді.
• Ұстаздардың  60%  үздіксіз білім алады, кәсіби құзыреттіліктері артады, тәжірибеге енгізеді.

Оқушы

• Оқушылардың адамгершілік, этикалық және эмоциялық қабілеттері дамиды.
• Оқушылардың  45% -да  шығармашылық ізденіс және көшбасшылық бағдары қалыптасады.
• Оқушылардың 70% - АКТ мен инновациялық әдістермен жұмыс жасауға үйренеді. 

Ата-ана

• Мектеп жаңалықтарына және жаңа бағдарламаның әдістері бойынша хабардар болып отырады.
• Ата-аналардың  75% мектеп өміріне  және оқушы мен ұстаздармен қарым-қатынасына араласады.

Әдістемелік жұмыс тақырыбы: «Нәтижеге бағытталған білім беру арқылы бәсекеге қабілетті, құзыретті жеке тұлғаны қалыптастыру»

2019-2020 оқу жылындағы мектептегі оқыту үдерісі мынадай Нормативтік құқықтық база арқылы жүзеге асырылды.

1. Мектепалды даярлық сыныптарында және 1 – 4 сыныптарда білім беру процесі:
2. ҚР Білім және ғылым министрінің 2018 жылғы 31 қазандағы №604 бұйрығымен  бекітілген Мектепке дейінгі тәрбие мен оқытудың мемлекеттік жалпыға міндетті стандарты;
3. ҚР БҒМ 2016 жылғы 12 тамыздағы №499 бұйрығымен бекітілген Мектепке дейінгі тәрбие мен оқытудың үлгілік оқу бағдарламалары;
4. ҚР БҒМ   2012 жылғы 12 желтоқсандағы №557 бұйрығымен бекітілген Мектепке дейінгі тәрбие мен оқытудың үлгілік оқу жоспары (2018 жылғы 10 қазандағы №556 бұйрығымен өзгерістер мен толықтырулар енгізілген);
5. ҚР Білім және ғылым министрінің 2018 жылғы 31 қазандағы №604 бұйрығымен  бекітілген Бастауыш білім берудің мемлекеттік жалпыға міндетті стандарты;
6. ҚР Білім және ғылым министрінің 2012 жылғы 8 қарашадағы №500 бұйрығымен бекітілген Бастауыш білім берудің үлгілік оқу жоспарлары (2018 жылғы 4 қыркүйектегі №441 бұйрығымен өзгерістер мен толықтырулар енгізілген);
7. ҚР Білім және ғылым министрінің 2013 жылғы 3 сәуірдегі №115 бұйрығымен бекітілген Бастауыш білім берудің жалпы білім беретін пәндерінің үлгілік оқу бағдарламалары («Өзін-өзі тану» пәні  бойынша 2016 жылғы 8 сәуірдегі №266 бұйрығымен өзгерістер мен толықтырулар енгізілген);
8. ҚР Білім және ғылым министрінің 2013 жылғы 3 сәуірдегі №115 бұйрығымен бекітілген Бастауыш білім берудің жалпы білім беретін пәндерінің үлгілік оқу бағдарламалары (2018 жылғы 10 мамырдағы  №199 бұйрығымен өзгерістер мен толықтырулар енгізілген);
9. ҚР Білім және ғылым министрінің 2013 жылғы 3 сәуірдегі №115 бұйрығымен бекітілген Бастауыш білім берудің жалпы білім беретін пәндерінің үлгілік оқу бағдарламалары («Ақпараттық-коммуникациялық технология» пәні  бойынша 2018 жылғы 17 қазандағы  №576 бұйрығымен өзгерістер мен толықтырулар енгізілген);

1. 5-10 сыныптарда білім беру процесі:
2. ҚР Білім және ғылым министрінің 2018 жылғы 31 қазандағы №604 бұйрығымен  бекітілген Негізгі орта білім берудің мемлекеттік жалпыға міндетті стандарты;

•  ҚР Білім және ғылым министрінің 2018 жылғы 31 қазандағы №604 бұйрығымен  бекітілген Жалпы орта білім берудің мемлекеттік жалпыға міндетті стандарты;
• ҚР Білім және ғылым министрінің 2012 жылғы 8 қарашадағы №500 бұйрығымен бекітілген Негізгі орта және жалпы орта білім берудің үлгілік оқу жоспарлары (2018 жылғы 4 қыркүйектегі №441 бұйрығымен өзгерістер мен толықтырулар енгізілген, 2019 жылғы 15 мамырдағы №205 бұйрықпен өзгерістер мен толықтырулар енгізілген);
• ҚР Білім және ғылым министрінің 2013 жылғы 3 сәуірдегі №115 бұйрығымен бекітілген Негізгі орта білім берудің жалпы білім беретін пәндерінің үлгілік оқу бағдарламалары (2017 жылғы 25 қазандағы №545 бұйрықпен өзгерістер мен толықтырулар енгізілген);
• ҚР Білім және ғылым министрінің 2013 жылғы 3 сәуірдегі №115 бұйрығымен бекітілген Жалпы орта білім берудің жалпы білім беретін пәндерінің үлгілік оқу бағдарламалары (2017 жылғы 3 сәуірдегі №352 бұйрықпен өзгерістер мен толықтырулар енгізілген);
• ҚР Білім және ғылым министрінің 2013 жылғы 3 сәуірдегі №115 бұйрығымен бекітілген Жалпы орта білім берудің жалпы білім беретін пәндерінің үлгілік оқу бағдарламалары (2019 жылғы 7 наурыздағы №105 бұйрықпен өзгерістер мен толықтырулар енгізілген);
• 11 сыныпта білім беру процесі:
• ҚР Білім және ғылым министрінің 2018 жылғы 31 қазандағы №604 бұйрығымен бекітілген   Жалпы орта білім берудің мемлекеттік жалпыға міндетті стандарты; 
• ҚР БҒМ 2012 жылғы 8 қарашадағы №500 бұйрығымен бекітілген оқыту қазақ тілінде жүргізілетін сыныптарға арналған жалпы орта білім берудің  үлгілік оқу жоспарлары (2013 жылғы 25 шілдедегі №296 бұйрықпен өзгерістер мен толықтырулар енгізілген);
• ҚР Білім және ғылым министрінің 2013 жылғы 3 сәуірдегі №115 бұйрығымен бекітілген жалпы білім беретін пәндердің, таңдау курстарының және факультативтердің үлгілік оқу бағдарламалары;
• 2019-2020 оқу жылында ҚР Жалпы орта білім беретін мектептерінде оқу процесін ұйымдастырудың ерекшеліктері туралы Әдістемелік нұсқау хат басшылыққа алынды. 

Мектептің әдістемелік құрамына  6 пән бірлестігі кіреді. Барлық әдістемелік жұмыстарды мектептің әдістемелік кеңесі басқарады. Ұйымдастырылған құрылым мұғалімдердің білімін, кәсіптік деңгейін, шеберлігін жетілдіру мақсатында жасалады. Мектепте әдістемелік жұмыстың мазмұны білім беру үрдісінің сапасы мен әрбір мұғалімінің біліктілігін көтеруге бағытталған. Яғни, әдістемелік жұмыс – бұл барлық педагогтардың шығармашылық ынтасын арттыруға және дамытуға, әрбір педагогтің кәсіби шеберлігін және   біліктілігін жан-жақты көтеруге бағытталған іс-шаралар мен іс-әрекеттер.

            «МДШО бар М.Сеңгірбаев атындағы орта мектеп» МКМ-де  2019-2020 оқу жылының басында барлығы 65 мұғалім болған. Олардың   60-ы  жоғары білімді, пайыздық көрсеткіші – 92,3%, 5-уі  арнаулы орта білімді, пайыздық көрсеткіші – 7,6%.

Жоғары санатты ұстаз - 7, пайыздық көрсеткіші – 10,7%, І санатты - 8,  пайыздық көрсеткіші – 12,3%, ІІ санатты – 15, пайыздық көрсеткіші – 23%, санаты жоқ мұғалімдер –6, пайыздық көрсеткіші – 9,2% құрайды. Педагог-зерттеуші – 5, пайыздық көрсеткіші – 7,6%, педагог-сарапшы – 12, пайыздық көрсеткіші – 18,4%, педагог-модератор – 12, пайыздық көрсеткіші – 18,4%

Мұғалімдердің барлығы өз мамандықтарына сай жұмыс атқарады. Қазіргі таңда 13 мұғалім бала күтіміне байланысты демалыста отыр. Мектепте сабақ жүргізетін мұғалімдер саны – 53. Мектептегі 0-3 жыл еңбек өтілі бар жас мамандар саны – 6.

Қыркүйек айында ұйымдастыру жұмыстары жүргізілді. Аттестациядан өту, білім жетілдіру курстарынан өту кестесі жасалып, мұғалімдерге таныстырылды. Әдістемелік кеңесте мемлекеттік-нормативті құжаттар, әдістемелік нұсқау хат, білім беру ұйымдарында пайдалануға рұқсат етілген оқу басылымдарының тізбесі күнтізбелік жоспарды жасауға қолданылатын бірыңғай талаптар таныстырылып, талқыланды. Сынып журналын жүргізу жайында нұсқаулықпен барлық пән мұғалімдері таныстырылды. Әдістемелік бірлестіктерде пән бойынша әр сыныптағы тақырыптарға, бақылау, жазба жұмыстары, зертханалық жұмыстарға сағат санының бөлінуі, тоқсандық, жылдық жүктеменің орындалуы талқыланды. Жас мамандармен сабақ түрлері, сабақ жоспарын құру, қауіпсіздік техникасы ережелерін сақтау, мектеп іс-құжаттарының жүргізілуі жайлы кәсіби әңгіме өткізілді. Бірлестік отырыстарында пән бойынша бағдарламалар қаралды. Бірлестік жетекшілерімен жиналыс өткізіліп, бірлестік іс-құжаттарын жүргізу жайлы нұсқау берілді. Таңдау, қолданбалы курс бағдарламаларының талапқа сай жасалуы тексеріліп, бекітілді. Мектепте әдістемелік жұмыс әр мұғаліммен жеке және педагогикалық ұжыммен үнемі жүргізіліп отырады. Педагогтердің қызығушылығы мен қабілеттіліктерін арттыру мақсатында, өз бойындағы мүмкіншіліктерін жүзеге асыру үшін, жақсы жағдай туғызып, өзара байланыс жасалып отырылады. Мұғалімдердің кәсіби шеберлігін арттыру мақсатында мектепішілік пәндік апталықтар ұйымдастыру, мұғалімдерді аттестациядан өткізу, білім жетілдіру курстарына қатыстыру, мектепішілік бақылау, зерттеу жұмыстары жүргізілді. 

Кәсіби біліктілікті арттыру

2019-2020 оқу жылының тамыз айының 19-29 аралығында Талғар қаласында «Атамекен» ұлттық палатасының ұйымдастыруымен орта білім берудің мазмұнын жаңарту шеңберінде «10-11 сыныптарына арналған «Кәсіпкерлік және бизнес негіздері» оқу пәні бойынша мұғалімдерді оқыту» педагог кадрлардың біліктілігін арттыру курсынан тарих пәні мұғалімі Қ.С.Жазылбекова қатысып, сертификатталды. Сертификат №000101.

Қыркүйек айында Республикалық «Даму» педагогикалық-психолгиялық дамыту орталығы «Жаңартылған білім беру мазмұны аясында оқыту сапасын көтерудегі заманауи педагогикалық әдістер» оқытушыларының біліктілігін арттыру курсына А.Қ.Нурекеева, А.Е.Еңсебай, Б.Е.Адырбаев қатысып сертификатталды.

Қыркүйектің 30.09.-25.10.2019ж аралығында «Өрлеу» біліктілікті арттыру орталығының ұйымдастыруымен өткізілген  «Қазақ тілі мен әдебиеті пәні бойынша Жаңартылған оқу бағдарламасы» тақырыбындағы курсқа  қазақ тілі мен әдебиеті пәні мұғалімі Н.С.Айтбаева қатысып, сертификатталды. 

Қараша айында «Назарбаев Зияткерлік мектептері» ДББҰ Педагогикалық шеберлік орталық филиалы ұйымдастырған «Білім беру мазмұнын жаңарту аясында критериалды бағалау моделі» тақырыбында өткен ақылы, көшпелі курсқа  Еңсебай А, Жубатырова Н, Серикбай А, Құлынбай А қатысып, сертификатталды.

ҚР Білім және ғылым министрлігі. Біліктілікті арттырудың қазақстандық өңіраралық орталығының ұйымдастыруымен 

Қазақстан Республикасы орта білім мазмұнын жаңарту шеңберінде « Өзін-өзі тану» пәнін оқытудың қазіргі жаңа бағыттары және өзіндік әдістемелік ерекшеліктері» атты біліктілікті арттыру курсынан Н.Н.Бекмолдаева, А.К.Нурекеева, Қ.А.Исабекова, Д.Ж.Жұман, Л.Т.Есимбекова  өтіп, сертификатқа ие болды.

Ақпан айында «Авторлық бағдарлама дайындау жолдары» тақырыбы бойынша курсқа Н.С. Айтбаева, Г.М.Досымбаева, А.Е.Ырыскелді қатысып, сертификатталды. 

Сонымен, білім мазмұнын жаңарту курсы бойынша 2016-2017, 2017-2018, 2018-2019, 2019-2020 жылдар аралығында барлығы 44 мұғалім курстан өтті. Бұл барлық мұғалімнің 67,6% құрайды. Мектебімізде жаңартылған білім беру мазмұнына көшу бойынша жұмыстар жүйелі жүргізілді.  Ең алдымен мұғалімдердің біліктілігін көтеру жұмыстары қолға алынып, мектептегі 65 мұғалімнің 44- і «Қазақстан Республикасы орта білім беру мазмұнын жаңарту шеңберінде педагогика кадрларының біліктілігін арттыру курсынан» өткізілді. Әдістемелік кеңесте жаңартылған білім беру мазмұнының енгізілуіне байланысты нормативтік құжаттар таныстырылып, жаңартылған білім беру мазмұны бойынша оқытылатын 1 - 10  сыныптардың оқу бағдарламалары, жұмыс бағыттары, құжаттардың жүргізілуі жайлы нұсқаулықтар берілді.

Мектебімізде жаңартылған білім мазмұны бойынша оқытылатын  сыныптарға сабақ беретін мұғалімдер мен оқушыларға   қолдау көрсету жұмыстары үнемі жүргізіліп отырды. Айта кететін болсақ, мұғалімдерге қолдау көрсету мақсатында отырыстар жасалып, онда түрлі мәселелер қаралып, кездескен қиындықтар туралы айтылып, оларды шешу жолдарымен мұғалімдердің пікірі мен ұсыныстары тыңдалды. Сонымен қатар, жаңартылған білім беру мақсатының ұтымды жақтары да айтылып өтті. Мысалы: оқушылар топтық жұмыста жақсы атсалысады, жауапкершілікті сезініп, көпшілік үшін жұмыс жасайды. Оқушылар еркіндікті сезініп, өз ойлары мен өзіндік көзқарастары қалыптасады. 

    Жалпы білім беретін мектептердегі оқушылардың оқу жетістігін бағалауды қазіргі тәжірибеге енгізудің негізін критериалды бағалау жүйесі анықтайды. Бұл бағалау рәсімдерінің сапалылығын, олардың халықаралық стандарттарға сәйкестігін және әр білім алушының оқудағы қажеттілігін қамтамасыз етуге мүмкіндік береді.

Мектепте қалыптастырушы бағалауды енгізу мен қолдану үшін мектеп  мұғалімдері smk.edu.kz сайтына тіркелді. Мұғалімдер сайттан қысқа мерзімді сабақ жоспарлары, жиынтық бағалау тапсырмалары үлгілерін алып, жұмыс барысында пайдаланып отырды. 

Жас мамандар

Жас маманмен жұмыс - жас маманның кәсіби және тұлғалық дамуының қайнар көзі болғандықтан, білім беру үдерісіндегі маңызды жұмыстардың бірі. Білім беруде нәтижеге жету оңай жұмыс емес. Білім беру міндеті білім сапасын көтеруді мақсат етіп қояды. Педагог алға қойған мақсатқа жету үшін үнемі шығармашылықпен жұмыс жасап, педагогикалық құзыреттілігін дамытып отыруы қажет. Отандық білім беру дәстүрінде үздік тәлімгер мұғалімдерді «ұстаздың ұстазы» деп атау бекер айтылмаған. Мектебімізде «Жас мамандар мектебі» өз жұмысын жалғастыруда. Аталған мектептің жетекшісі жоғары санатты, 38 жылдық еңбек өтілі бар, тарих пәнінің мұғалімі Қ.С.Жазылбекова. 

Мектепке келген жас мамандарға педагогикапық көмек беру мақсатында тәжірибелі ұстаздардан тәлімгер тағайындалды. Тәлімгерлер жас мамандарға   құқықтық-нормативтік құжаттармен жұмыс жүргізу, күнтізбелік-тақырыптық жоспар, сабақ жоспарын жасау, сынып журналын қалай толтыру сияқты мәселелерге өз көмектерін көрсетіп отырады. Жас мамандар мектепте тәлімгерлердің көмегімен бейімделу уақытынан өткеннен кейін кезең - кезеңімен әдістемелік дайындық жұмыстарын бастады. Тәлімгерлері жас мамандардың сабағына, жас мамандар тәжірибелі ұстаздардың сабақтарына қатысып отырады. Сабаққа қатысуды талдау әдістеме отырысында жүзеге асырылады. Сонымен қатар, жас мамандар «Алдыңғы қатарлы педагогикалық тәжірибе» күніне толық қатысуы қамтамасыз етіледі. Тәлімгер мұғалімдердің жас маманмен жүргізілген жұмыстар бойынша есебіне жүгінсек, мектепке келген жас мамандар мектеп қабырғасына жаңадан келгендіктеріне қарамастан, мектептің сабақ, сыныптан тыс іс-шараларына өз үлестерін қосып жатыр. Апталықта инновациялық технологияларды қолдана отырып, ашық сабақтар көрсетті. Жас мамандармен толық жұмыс барысын қамтитын жұмыс жоспары құрастырылды. Олар бірнеше бағыттардан тұрады: оқу бағдарламасымен танысу, түсініктеме хат, тақырыптық - күнтізбелік жоспар, оқулықтармен, әдістемелік әдебиеттермен танысу, сабақ жоспарын дайындау, сынып журналымен жұмыс. Мұғалім - мұғалім сабақтастығы барысында жас мамандардың тұлғалық ерекшелік қасиеттерімен бірге ұстаз ретіндегі педагогикалық ұстанымдары мен біліктілік, білімділік, шығармашылық шеберліктерінің артуы мен жан - жақты дамуына көмек қолдарын созуымен қатар, дамуына да көмек үлестерін тигізіп келеді. Олардың ұстаз тұлғасы ретінде қалыптасуы және бар тәжірибесінің іс жүзінде іске асырылуы үшін жан - жақты жағдай қарастырылған. Мұндай педагогикалық өсу үшін тәжірибелі ұстаздар тарапынан әдістемелік көмек қажет. Біздің мектебімізде тәжірибелі ұстаздар тарапынан әдістемелік көмек көрсетілуде.

Қыркүйек айында  жас мамандарға  көмек   ретінде  «Жас мамандар мектебінің» №1 отырысы өтті. Сол жерде «Таныс болайық» тренингі өткізілді.   Жас мамандар мектебінің» №2 отырысында  «Заманауи технологиялар білім сапасының құралы» дөңгелек стол ұйымдастырылып, әдістемелік көмек көрсетілді. Қараша   айындағы №3 отырыста «Ұжымдағы психологиялық ахуал» тренингі ұйымдастырылды. №4 отырыста «Мамандығым - мақтанышым»тақырыбында тренинг өткізілді. 

Тәлімгер ұстаздар мен  жас мамандардың  сабақтарға   қатысуы:

Оқушылар жетістіктері

Мектепте «Дарын» оқушылар ғылыми қоғамы жұмыс істейді. Оқушылардың дарындылық және шығармашылық қабілеттерін арттыруға бағытталған іс-шаралар барысында бастауыш сыныптардан бастап пән олимпиадалары мен ғылыми жобалар байқауы,   білім, өнер саласындағы әртүрлі жарыстар мен байқаулар ұйымдастырылып, оқушылардың дарындылығын шыңдау жұмысы жалғасуда және оған дәлел оқушылардың білім, өнер және спорт саласында жетістіктері. 

Аудандық «Зерде» байқауына 4 оқушы сұраныс беріліп, аудандық білім бөліміне оқушы жұмыстары өткізілді. 

 Ақдала  орта мектебі базасында аудандық ғылыми жобалар конкурсы (Дарын) өткізілді. Ғылыми жобалар конкурсына мектебімізден екі оқушы қатысты. Екі оқушыда ауданнан І орын иеленіп, Алпысбай Динара  облысқа барып, ІІ орын иеленді.

Ғылыми жобалар конкурсының жеңімпазы

 Бақанас аграрлы-индустриалды колледжінде аудандық КҒА конференциясы өтті. Мектебімізден 3 оқушы қатысты. Қатысқан барлық оқушы жүлделі орындарға ие болды. 

2019-2020 оқу жылында мектебімізде аудандық олимпиада өткізілді. Олимпиадаға мектебімізден 25 оқушы қатысты. 7 оқушы – І орын, 11 оқушы – ІІ орын, 5 оқушы – ІІІ орын, 2 оқушы ынталандыру грамотасымен марапатталды. Пайыздық көрсеткіші – 92%  құрады.

2019-2020 оқу жылында аудандық пән олимпиадасына қатысқан оқушылардың тізімі

Облыстық олимпида жеңімпазы

Биылғы оқу жылында Республикалық «Ақ бота» интеллектуалды марафонына  39 оқушы қатысты. Халықаралық «Руский медвежонок» марафонына 10 оқушы қатысты. Халықаралық «Архимед» интеллектуалды марафонына 24 оқушы қатысты. Халықаралық «Британ бульдогы» интеллектуалды марафонына 50 оқушы қатысты

Республикалық  «Bilgen baige», « Bilgen alaman» олимпиадасына мектептен 30 оқушы қатыстырылып,  барлығы жүлделі орындарды иеленді. 33 оқушы аудандық кезеңге қатысып, 31 оқушы облыстық кезеңге жолдама алды. Облыстық кезеңнен 26 оқушы өтіп, республикалық кезеңге жолдама алды. Бірақ Республикалық кезеңге 17 оқушы қатысты

Қашықтықтан оқыту кезінде мектеп ұжымы бірқатар деңгейдегі жетістіктерге қол жеткізді. Мектебіміздің бірқатар білікті ұстаздары мен білімді оқушылары - байқаулар мен сайыстарға, олимпиадалар мен конференцияларға қатысып, ұжым абыройын асқақтатты. «Жақсының жақсылығын айт, нұры тасысын» деп дана халқымыз айтқандай, осы орайда ұжымымыздағы ұстаздардың еңбектерін айтып өтпеу орынсыз деп ойлаймын. Жас ұрпаққа саналы тәрбие мен сапалы білім беру, ең алдымен мұғалімнің кәсіби шеберлігіне, әрдайым өзінің білімін жетілдіріп, шығармашылық ізденісте жүруіне байланысты.

Білім ордасы оқушыларға тек қана білім беріп қана қоймай, сонымен бірге түрлі салада дарынды шәкірттер дайындап, оларды жетістікке жетуге ұмтылдыру. Осындай мақсатты ұстанып оқушыны білімге қызықтырып, талмас еңбекқорлық пен жұмысқа деген құлшыныс пен таза ниет арқылы оқу жылында жетістікке жеткен ұстаздар мен оқушыларды  атап өткім келеді. 

Қазақстан Республикасы білім және ғылым министрлігінің «Дарын» республикалық ғылыми-практикалық орталығы 9-11 (12) сынып оқушыларына арналған жалпы білім беретін пәндер бойынша республикалық онлайн олимпиадасына қатысқан оқушылар мәліметі

«Кенгуру-математика для всех» халықаралық зияткерлік конкурсына қатысқан оқушылар мәліметі

Қазақстан Республикасы білім және ғылым министрлігінің «Дарын» республикалық ғылыми-практикалық орталығы 5-9 сынып оқушылары арасында өткізген республикалық «Тарих ата» онлайн олимпиадасына қатысқан оқушылар мәліметі

Республикалық «Дарын онлайн» платформасы ұйымдастырған «Жас тарихшы» олимпиадасына қатысқан

оқушылар мәліметі

Халықаралық «Алтын жабағы» ойын-конкурсына қатысқан оқушылардың мәліметі

“Өнеге” интеллектуалды   білім порталының Республикалық қашықтықтан өткізген байқауына қатысқан оқушылар туралы мәлімет

Д.Қонаев, М.Мақатаев, Б.Тоғысбаев, Мағжан, Абай оқулары

 «Дарынды бала» Республикалық балалар мен жасөспірімдер сайты. Дарынды оқушыларға арналған республикалық сайысқа қатысқан оқушылар туралы мәлімет

«Ұстаз тілегі» сайты «Желтоқсан» Республикалық блиц турниріне қатысқан оқушылар туралы мәлімет

«Intolimp.kz» республикалық дарынды балалар порталында өткен шығармашылық байқауға қатысқан оқушылар туралы мәлімет

НИО Ұлттық интернет олимпиадасына қатысқан оқушылар туралы мәлімет

«ZIAT» ғылыми-әдістемелік орталығы оқушылар арасындағы ұйымдастырған Республикалық «Жас ғалым» байқауында 10 сынып оқушысы Шайқы Шұғыла 3-ші дәрежелі дипломмен марапатталды. Пән мұғалімі Малтабарова А.

         1. «Арайлы алтын күз» атты Республикалық қашықтық конкурстан өткен (сурет салу) номинациясы бойынша 8а сынып оқушысы Нүсіп Еркежан І дәрежелі дипломмен марапатталды. Республикалық «Алтын ұрпақ» білім беру орталығының ұйымдастыруымен өткізілген «Доброта спасёт мир» атты конкурста «Аппликация»  номинациясы бойынша Республикалық қашықтық конкурстан  ІІ – дәрежелі ДИПЛОМ мен 3 сынып оқушысы Сейтқұл Мерей  және «Мейірімділік – асыл қасиет» атты жұмысын ұсынғаны үшін 11а сынып оқушысы Сейтқұл Диана 2 дәрежелі дипломға ие болды. Пән мұғалімі Накысбек А.

2. Daryndy-zhas оқу орталығының ұйымдастыруымен «Ұстаз ұлы тұлға» атты Республикалық оқушылар арасында қашықтық конкурстан өткен (эссе) номинациясы бойынша   11а сынып оқушысы Сейтқұл Диана жүлделі І дәрежелі дипломмен марапатталды.  Пән мұғалімі Накысбек А.

3.Daryndy-zhas оқу орталығының ұйымдастыруымен «Төрлет, құтты Жаңа жылым!» атты Республикалық  байқауға қатысып  (қолдан жасалған бұйым) номинациясы бойынша  3б сынып оқушысы Нұргелдіқызы Назерке  жүлделі І дәрежелі дипломмен марапатталды. Пән мұғалімі Накысбек А.

4.«Алтын ұрпақ» білім беру орталығының ұйымдастыруымен мектепке дейінгі, жалпы орта және қосымша білім беру ұйымдарының білім алушылары арасында Республикалық деңгейде өткізілген «Су моншақ әлемі» атты қолданбалы қолөнер байқауынына 9б сынып оқушысы Ербаева Ақбота қатысып, жүлделі І орынды иеленді. Пән мұғалімі Накысбек А.

5.«Алтын ұрпақ» білім беру орталығының ұйымдастыруымен оқушылар арасында Республикалық деңгейде өткізілген «Тәуелсіздік жалауы» атты көркемсурет байқауына 3б сынып оқушысы Нұргелдіқызы Назерке қатысып, жүлделі 1-ші дәрежелі дипломмен марапатталды. Пән мұғалімі Накысбек А.

1. «Алтын ұрпақ» білім беру орталығы ұйымдастырған Республикалық сурет байқауына 0б сынып оқушылары Серік Айзере, Бақыт Айқын қатысып 1 орын иегерлері атанды. 6а сынып оқушысы Тельжан Санжар жүлделі 2 орынды иеленсе, 3б сынып оқушысы  Тлеубек Бейбарыс 3 дәрежелі дипломмен марапатталды. Пән мұғалімі Кумисбаев Т.Т.

Республикалық  «Ұстаз мектеп  тірегі»  журналының ұйымдастыруымен өткен  байқауда көркем еңбек пәні бойынша 3 «А» сынып оқушысы Бөленбай Мадина  І Дәрежелі дипломмен  марапатталды. Республикалық «Дара бала» балалар журналына өз шығармашылығын, насихаттап, қылқалам шеберлігін жариялағандығы үшін   4 «А» сынып оқушысы Бауыржанқызы Жанерке « Алғыс хатпен» марапатталды. 

МҰҒАЛІМДЕРДІҢ ЖЕТІСТІКТЕРІ   2018-2019 ОҚУ ЖЫЛЫ

«ILEADER.KZ» Республикалық дарынды оқушылар порталының қолдауымен ұйымдастырылған жалпы республикалық байқауға қатысып,  «Жас ғалым» атты шығармашылық байқауда дарындылығын көрсетіп, ерекше өнерімен Үздік деп танылған 8а сынып оқушысы Климова Айжан (пән мұғалімі Жанкетаев Е), 8б сынып оқушылары Алдаберді Аружан (пән мұғалімі Ырыскелді А) мен Ратбек Нұржол (пән мұғалімі Жазылбекова Қ) І дәрежелі дипломмен марапатталды. Пән мұғағалімдері Алғыс хатқа ие болды. 

«Білім-Образование-Education» Республикалық ғылыми-педагогикалық орталығының ұйымдастыруымен өткізілген Халықаралық конкурста «Ең үздік инновациялық сабақ» номинациясы бойынша дене шынықтыру пәні мұғалімі Байсалбаев Қ.Б. І дәрежелі дипломмен марапатталды. 

«ZIAT» ғылыми-әдістемелік орталығы «Мұғалімнің педагогикалық шеберлігі»   атты ІІІ Республикалық педагогтар сайысында «Авторлық бағдарламалар» номинациясына өз авторлық бағдарламасын ұсынғаны үшін  дене шынықтыру пәні мұғалімі Байсалбаев Қ.Б. ІІ дәрежелі дипломмен марапатталды.

Мұғалімдер   еңбектерінің жинақтарда, басылымдарда, БАҚ-да жариялануы

1. Жұман Д -  Білім беру ісіндегі шығармашылық еңбегімнің нәтижесі мен тәжірибе алмасу мақсатында Республикалық   bilim-all.kz ақпараттық-танымдық порталында  «Мен -өз елімнің патриотымын » тақырыбында тәрбие сабағым және "Сабақ мақсатына сай жетістік критерийлерін құрастыру және саралау" тақырыбында  ықшам сабағы   таратылды. 
2. Жұман Д - Республикалық "UST   kz" ақпараттық -танымдық порталында "Қазақтың ұлттық ойындары", "Ғарышқа қалай ұшады?" атты сабағы мен таныстырылым "Оқу мен оқытудағы Сындарлы оқудың тиімділігі" жарияланды.
3. Қ.С.Жазылбекова -   Республикалық педагогикалық ғылыми-әдістемелік журналға  өз сабағын жариялады.
4. А.Қ.Құлынбай   -  Республикалық педагогикалық ғылыми-әдістемелік журналға  өз сабағын жариялады.
5. А.Накысбек - «Өнер әлемі » Республикалық педагогикалық ғылыми – әдістемелік журнал № 02 (87) ақпан 2020ж. Тақырыбы: «Халықтық пішім негізі бойынша бұйым дайындау» 
6. Қ.Байсалбаев - USTAZ tilegi Республикалық ұстаздар сайтынында сабағы жарияланған Тақырыбы: «Футбол. Доппен жылдамдықты және бағытты өзгертіп жүгіру техникасы»  20.09.2020 ж.
7. Қ.Байсалбаев -  «ZIAT» Ғылыми – әдістемелік орталығына Авторлық бағдарламасын   жариялады. 28.01.2020 ж.
8. Н.І.Булыбаев  - Республикалық педагогикалық ғылыми-әдістемелік журнал, Химия және биология журналы, «Химиялық қосылыстар формуласын құрастыру» тақырыбында сабағы жарияланды. 02.02.2020ж
9. А.К.Карибекова  - Республикалық педагогикалық ғылыми-әдістемелік журнал, Химия және биология журналы, «Шғару жүйесі мүшелерінің құрылымы» тақырыбында сабағы жарияланды. 02.02.2020ж
10.  А.Б.Пиязбаева  - Республикалық педагогикалық ғылыми-әдістемелік журнал, Химия және биология журналы, «Модельдеу. Қоректік тізбек пен торды құру» тақырыбында сабағы жарияланды. 02.02.2020ж
11. А.К.Нурекеева А - USTAZ tilegi Республикалық ұстаздар сайтында  «Мен-өз елімнің патриотымын» сынып сағаты жарияланды 09.22.2020ж
12. А.К.Нурекеева - USTAZ tilegi Республикалық ұстаздар сайтында   «Құрмалас сөйлем» тақырыбында презентациясы жарияланды. 09.22.2020ж
13.  А.К.Нурекеева А - «Қазіргі заманғы әдістемелер мен технологияларды енгізу бойынша іс-әрекетім» тақырыбындағы презентациясы ulagatty-ustaz сайтында жарияланып, сертификат берілді. 28.10.2020ж. 
14.  А.К.Нурекеева А -  «ЖЫЛ ҮЗДІГІ - 2020» Республикалық байқауының ұйымдастыру комитетіне «Шәкірт тәрбиелеу жолында жеткен жетістіктерім» атты авторлық   презентациясы жарияланды. 
15.  Ш.Уйсинбаева - Алматы қаласы республикалық ғылыми-әдістемелік педагогикалық мерзімді баспасөз басылымы «Білім әлемі» «Үздік сабағы» жарияланып, дипломмен,алғыс хатпен марапатталды.

Пәндік онкүндіктер

Мақсаты:  Оқушыларды танымдық-шығармашылық ойлау әрекетін қалыптастыру жолындағы оқу-тәрбие үдерісін сапалы ұйымдастыру

Кесте бойынша барлық әдістемелік бірлестіктердің онкүндіктері өткізілді. Барлық бірлестіктердің онкүндіктерінің жоспары жасалып, бекітілді. Жоспар бойынша ашық сабақтар, сыныптан тыс іс-шаралар өткізілді. Пән апталықтары барысында мұғалімдер жаңа технологияларды оқу үрдісінде тиімді пайдалану жолдарының үлгілерін көрсетіп, тәжірибе алмасты. Сабақ барысында мұғалімдер «Bilimland», «I mektep» сайттарынан видеофильмдер, тест, жаттығулармен жұмыс істеу мүмкіншіліктерін пайдалана білді.

ӘДІСТЕМЕЛІК СЕМИНАРЛАР

Мақсаты: Озық педагогикалық тәжірибені зерттеу мен жинақтауды жүйелі ұйымдастыру

Әдістемелік жұмыстардың нәтижеге жетуі үшін, тәжірибелерді тарату, мұғалімдерінің кәсіптік деңгейін көтеру мақсатында шығармашылық топтар қызмет етеді. 

         Мектеп тарапынан Кембридж бағдарламасына негізделген оқыту курстарынан өткен 14 мұғалім мектеп мұғалімдеріне оқыту мен оқудағы жаңа әдістерді меңгерту мақсатында оқыту семинарларын, коучингтер мен менторингтер өткізіп, мектептің оқыту жүйесіндегі өзгерістерге өз ықпалдарын  тигізуде. Тәжірибе алмасу, сабақтарды талдау, оқушылардың дамуына бағытталған сабақ жүйесін зерттеу, жаңа педагогикалық технологиялардың курстарына қатысу мен сертификаттау жұмыстары, жаңа педагогикалық технологияларды іс-тәжірибеде қолдану барысы, баспасөз беттерінде өз тәжірибелері бойынша мақала, баяндамаларын жариялау, кәсіптік байқауларға қатысып, шеберлігін шыңдау бағытында жұмыстар жүргізілді.  

2019-2020 оқу жылында туындаған мәселелер:  

• Мұғалімдердің шығармашылық тақырыбы бойынша жұмысы төмендігі,  авторлық бағдарламалардың, жинақтардың аздығы
• Дарынды оқушылармен жұмыста зерттеу-ізденушілік бағыттағы жұмыстардың  жеткіліксіздігі; 
• Интернет, қашықтық олимпиада, байқауларда оқушылар, мұғалімдер айтарлықтай нәтиже көрсете алғанмен, пәндік олимпиада, ғылыми жоба байқауларында нәтижелердің аздығы;
• Жаңартылған білім беру мазмұнын енгізу барысындағы өзгерістерді кейбір мұғалімдердің толық түсіне алмауы;
• Жас мамандардың  жоспарға сай жұмыстар атқармауы;
• Тәлімгерлік жұмыстың  өз деңгейінде атқарылмауы, яғни тәлімгер мен жас маман  жұмысының арасында өзара сабақтастықтың  жоқтығы.
• Онкүндіктер мен мектепішілік семинарлардың өз дәрежесінде өтпеуі, аяқсыз қалуы.

Аталған мәселелерді ескере отырып жаңа оқу жылына төмендегідей ұсыныстар беріліп отыр:

•  Оқушылардың зерттеу-ізденушілік бағытындағы жұмыстарын дамыту;

-Пәндік олимпиадаға, ғылыми жобаға көптеп оқушыларды тарту және дайындықтың тиімді тәсілдерін қарастыру;  

• Әр мұғалімнің жұмыс  жоспары бойынша жұмыстарының жүйелі жүргізілуін, өз іс-тәжірибесін өзіндік  жұмыстары (авторлық бағдарлама, жинақтар, әдістемелер) арқылы жинақтап, қорытындылауын қолға алу;
• Жаңа технологияларды   тиімді қолдана отырып, білім сапасын арттыру;
• Мектеп мұғалімдеріне арналған мектепішілік семинарлар өткізуді жүйеге келтіру қажет, келесі оқу жылына жоспар құрастырғанда  әрбір пән бірлестіктерінде жылына 1 семинар өткізуді жоспарға енгізу назарға алынсын;
•  Жас мамандармен тәлімгерлік жұмыс жүйесі жандандырылсын;

-     Мектеп педагогтарының аудандық, облыстық, республикалық деңгейдегі шығармашылық байқаулар мен педагогикалық оқуларға қатысу, іс-тәжірибелерін тарату белсенділіктерін күшейту;

• Мектептегі шығармашылық топ жұмысы,  жас мамандардың кәсіби дамуына бағытталған тәлімгерлік үдеріс жандандырылсын.

«МДШО бар М.Сеңгірбаев атындағы орта мектеп» МКМ-нің әдістемелік кеңесінің  проблемалық тақырыбы:

«Білім беру мазмұнын жаңартуда заманауи инновациялық технологияларды кеңінен пайдаланып, мұғалімдердің шығармашылық дағдысын көтеру, бәсекелестігін арттыру»

Мақсаты: 

Сабақта жаңа технологияларды тиімді пайдалануға дағдыландыру, мұғалімдердің психологиялық-педагогикалық қабілеттерін ұдайы жетілдіріп отыру. Мұғалімдерді нәтижеге бағытталған іс-әрекеттерге бейімдеуге үйрету және мектептің педагогикалық ұжымының іс-әрекетін жаңашылдыққа бағыттауды қалыптастыру (озық тәжірибені ендіру, жалпылау, тарату мен жүйелі зерттеу, үйрену)

    Міндеттері: 

• Критериалды бағалау оқушылардың оқу материалын игеру деңгейін бағалаудың нақты өлшемі турасында педагогтар  жұмысын жандандыру;
• Бірлестік жетекшілерімен  аудандық  білім беруді дамыту орталығының әдіскерлерімен тығыз байланыста жұмыс жасау;
• Мұғалімдердің кәсіби құзіреттілігін дамыту  мақсатында қашықтықтан семинарлар, сайыстар, дөңгелек үстелдер, т.б. өткізу;
• Аудандық, облыстық сайыс, байқауларға қатысу жариялылығын арттыру;
• Мұғалімдердің кәсіби біліктілігін арттыру, тәлімгерлікті жолға қою;
• Мұғалімдерді зерттеушілік, шығармашылық жұмыстарға баулу, ынталандыру.
• Тәрбие, білім берудің жаңа бағдарламаларын, оқу жоспарларын, мемлекеттік білім беру стандартын, нормативтік құжаттармен жұмыстарды үнемі ұйымдастыру;
• Мұғалімдердің оқушылар білімдерін бағалауда объективтік принципін ұстауға бағыттау;
• Үздік сабақтар мен жетістіктерді облыстық, республикалық басылым бетіне жариялауды жолға қою
• Білім беру бағдарламасын жаңарту және критериалды бағалау жүйесін енгізу тұрғысынан мұғалімдердің педагогикалық шеберлігін жетілдіру;

Әдістемелік кеңестің құрамы

      Кеңес төрайымы:   Аргымбай М.Б    –  мектеп директорының әдістеме жөніндегі  орынбасары 

      Мүшелері:             

Құлынбай Ажар Қалиқызы - қазақ тілі мен әдебиеті және тарих пәндерінің бірлестік жетекшісі

Жуматаева Жазира Қыдырбековна - орыс тілі мен әдебиеті және ағылшын тілі пәндерінің  бірлестік жетекшісі

Қасымбаева Сағынкүл Токеновна -  математика, информатика және физика бірлестік жетекшісі

Булыбаева Назима Избасаровна -  жаратылыстану   пәндері бірлестік жетекшісі

Нақысбек Алтынай Нақысбекқызы -  эстетикалық пәндер бірлестік жетекшісі

Жунусова Гулбанат Молдахановна – бастауыш сынып бірлестігінің жетекшісі

Әдістемелік  кеңестің   2019/2020 оқу жылында атқарған жұмыстарына  SWOT талдау