«МДШО бар М.Сеңгірбаев атындағы орта мектеп» МКМ бойынша 2022-2023 оқу жылындағы атқарылған қазақ тілі мен әдебиеті және тарих бірлестігінің жыл бойы атқарылған жұмыс жайлы есебі

«МДШО бар М.Сеңгірбаев атындағы орта мектеп» МКМ бойынша 2022-2023 оқу жылындағы атқарылған 

қазақ тілі мен әдебиеті және тарих бірлестігінің   жыл бойы  атқарылған жұмыс жайлы есебі

    Қыркүйек айының басында қазақ тілі мен әдебиеті пән мұғалімдерінің ұйымдастырумен «Тіл ғұмыры- ұлт ғұмыры» атты әдеби кеш өткізілді. Мақсаты: Ана тілі –халық болып жаралғаннан бері жан дүниесінің айнасы, өсіп-өніп түрлене беретін, мәңгі құламайтын бәйтерегі,-дей отырып ана тіліміздің  асқақтауына  үлес қосу. Оқушыларды қазақ елін, қазақ тілін қастерлеуге, ой-өрісін кеңейтуге, шешендік өнердің қыр-сырын ұғына білуге тәрбиелеу. Оқушыларға тілдің қоғам өміріндегі маңызын түсіндіру. Бұл әдеби кешке 5- 11 сынып оқушылары қатысты. Кешімізді мектеп директоры А.Ж.Салимбаева тәуелсіз елдің мемлекеттік тілі мәртебелі де, тұрақты болып өрістеп дамуына үлес қосу  жас жеткіншектердің  жауапкершілігінде  болатынын айтып, Қазақстан Республикасы халқының тілдер күнімен құттықтады. 

Сонымен қатар өскелең ұрпақтың, жастар алдында бірнеше тіл білу міндеті тұр. Адамды мұратқа жеткізетін ана тілі мен ата дәстүрі. Ендеше, тілге қандай құрмет көрсетсек те лайық. «Тіл ғұмыры- ұлт ғұмыры» атты әдеби сазды кешіміз тіл туралы өлең шумақтармен жалғасын тапты.  Тіліміздің тарихы туралы қысқаша бейне ролик көрсетілді.  Биылғы жыл  халқымыздың көрнекті қоғам қайреткері, кешегі Абай, Ыбырай, Шоқан салған ағартушылық, демократтық бағытты ілгері жалғастырушы ірі ғалым, көсем сөз шебері, әдебиет зерттеуші, тюрколог, дарынды ақын – аудармашы Ахмет Байтұрсынұлының туғанына 150   жыл толған мерейлі жыл. 

Адамдық диқаншысы қырға шықтым.,

Көл жоқ, көгалы жоқ – қырға шықтым,

Тұқымын адамдықтың шаштым, ектім.

 Көңілін көтертуге құл халықтың, - Ахмет Байтұрсынұлының осы өлең жолдары оның бүкіл өмірінің эфиграфы іспеттес. 

«Ахмет Байтұрсынұлының жасаған барлық еңбегі, тартқан қорлығы, көрген азабы, болашаққа сенген үміт-арманы, туған халқы үшін қасықтай қаны қалғанша қалтқысыз қызмет етуге арналған. Сондықтан жан-тәнімен сүйген асыл азаматтың есімі ел есінде мәңгі сақталмақ» Сонымен қатар

 7 «А» сынып оқушылары көрініс көрсетті. Қонақтар тарапынан жоғары баға берілді.

Әдеби кештің  басты мақсаты: оқушылардың өз ана тіліне деген құрмет сезімін арттыру, тіл мәртебесін көтеру, таза сөйлеуге үйрету, өз  ұлтына, еліне деген сүйіспеншілігін ояту. Ана тіліміздің тұғырының мықты болуына негіз қалаған бабаларымыздың өсиетін ұран ету, қазақ тілінің мәртебесін көтеру. Қазақстан мемлекетінде тұратын барлық халықтардың тілдерін құрметтеу.

  Қыркүйек айында бірлестік мүшелері дарынды оқушыларды анықтау және зерттеу, олардың қандай пәнге дарынды, неге қабілетті екенін анықтап жоспар құрды. «Дарын», «Зерде», ғылыми жарыстарына оқушыларды қатыстыруға сұраныс берілді. Қазақ әдебиеті пәні бойынша аудандық  «Дарын» ғылыми жобасынан 11 «А» сынып оқушысы Мұқатай Арайлым  ІІ орын иемденді.

  "Балалар әлемі" жобасы шеңберінде өткізілген Республикалық балалар оқулары байқауының облыстық кезеңінде жүлделі ІІІ орынды иеленген М.Сеңгірбаев атындағы орта мектеп оқушысы Жани Жанель. Жетекшісі Қазақ тілі мен әдебиеті пәні мұғалімі Нұржанқызы Мөлдір.

Сонымен қатар бірлестігімізден 12.09 -23.09 аралығында қазақ тілі мен әдебиеті пән мұғалімдері (Оскенбаева Л.Б, Турсунова М.Т, Шотанова А.Ж, Орынғали Р.) «Өрлеу» БАҰО  АҚ филиалы Алматы облысы бойынша көшпелі курстан өтті. Тақырыбы: «10-11 сыныптарда «Қазақ тілі» және «Қазақ әдебиеті» (Т1) пәні бойынша педагогтердің базалық және пәндік құзіреттіліктерін дамыту».

Аудан бойынша қазан айында 5-11 сынып оқушылары аралығында жалпыхалықтық диктант алынды. Тақырыбы: «Атамекен».Оқушылар белсене қатысып жоғары нәтиже көрсетті.

Аудандық пәндік олимпиада жүлдегерлері

Аудандық әдеби оқулар

Облыстық әдеби оқулар

Облыстық сырттай арнау-жырлар байқауы

 Облыстық семинар

Бірлестік жетекшісі:           Оскенбаева Л.Б